A empresa ten varios centros

A normativa establece que os traballadores poderán constituír un comité de empresa en aqueles centros de traballo cun censo de 50 ou máis traballadores (nos centros de traballo con menor número de empregados, a representación social será asumida polos delegados de persoal). Non obstante:

• Cando unha empresa teña máis dun centro de traballo e estes non alcancen os 50 traballadores de forma separada pero si conxuntamente, os traballadores poderán constituír un comité de empresa conxunto, que inclúa representantes dos distintos centros e que actúe en relación con todos eles.
• Para iso, deberán ser centros de traballo ubicados na mesma provincia ou en municipios limítrofes. E se se dá a circunstancia de que uns centros alcanzan os 50 traballadores e outros da mesma provincia non, nos primeiros constituirán comités de empresa propios e con todos os segundos constituirase outro.

Aínda que se sobrepasen estes limiares, non existe obriga de constituír un comité de empresa, xa que é unha decisión que compete aos traballadores e sindicatos. Agora ben, unha vez promovidas as eleccións e cursada a comunicación á empresa, esta está obrigada a facilitar os medios necesarios para o normal desenvolvemento da votación, que deberá ter lugar durante a xornada de traballo e no centro de traballo.

Ademais, cando existan diversos comités de empresa (de centro de traballo ou conxuntos), poderá constituírse un comité intercentros. Para iso, é necesario que o convenio colectivo aplicable á empresa o habilite. Dito convenio tamén deberá establecer as súas regras de constitución e funcionamento.

 

 

Os nosos profesionais informaralle sobre calquera dúbida que teña respecto á representación legal dos traballadores.