Compensación do pacto de non competencia

Calquera pacto de non competencia poscontractual debe formalizarse sempre por escrito e cumprir cos requisitos seguintes:

• Non pode superar a duración máxima prevista na normativa (dous anos dende a finalización da relación laboral).
• Debe existir un efectivo interese industrial ou comercial da empresa.
• Debe implicar unha compensación axeitada.

Para determinar que cantidade económica fixa ou que porcentaxe do salario anual se considera axeitada, hai que valorar se compensa o sacrificio que supón para o afectado o non prestar servizos durante un período determinado nun ámbito de actividade concreto, xa sexa por conta allea ou por conta propia.

Xeralmente, existen dúas modalidades (ou momentos) de pago:

• Por unha banda, pódese acordar o abono dunha porcentaxe do salario mentres dura a relación laboral.
• Por outra banda, pódese acordar que o abono se efectuará cando se extinga o contrato de traballo, xa sexa nun só pago ou fraccionado durante o período pactado.

No caso do pagamento dun porcentaxe do salario, é recomendable que tome a cautela de fixar uns importes mínimos e máximos, por se a relación laboral se extingue antes do previsto ou se alonga no tempo.

No caso de que se pacte que o pagamento se vaia realizar cando se extinga a relación laboral, é recomendable que se faga de forma fraccionada para ter un maior control ou, se se paga de golpe, que o traballador acredite durante dous anos que está a cumprir o pacto (entregando algún documento, como a vida laboral).

 

Os nosos profesionais informarano sobre calquera dúbida que teña respecto ao pacto de non competencia poscontractual.