Despedimentos acordados

Ás veces, os traballadores preto da xubilación propoñen á empresa acordar un despedimento para cobrar o paro ata poder xubilarse. Pois ben, aínda que á empresa lle poida interesar aforrar o salario e as cotizacións dese empregado, esas prácticas supoñen un fraude, polo que a Inspección controla e impón sancións importantes.

Segundo a lei que regula as infraccións e sancións en materia laboral, a complicidade da empresa cos seus traballadores para a obtención de prestacións indebidas ou superiores ás que procedan en cada caso supón unha infracción moi grave. Dita infracción sanciónase cunha multa de, como mínimo, 7, 501 euros; ademais, a empresa deberá responder directamente da devolución das cantidades indebidamente percibidas pola persoa traballadora (por exemplo, a prestación por desemprego).

Un acordo dese tipo é doado de detectar pola Inspección. Con este fin:

• A carta de despedimento non adoita ser moi elaborada.
• A proximidade da idade de xubilación da persoa afectada, así como o feito de que non se impugne o despedimento ante os tribunais, son indicios que determinan unha posible complicidade entre a empresa e o traballador.
• Do mesmo xeito, é habitual que a Inspección cite a ambas partes, e no interrogatorio é frecuente detectar contradicións entre as súas versións.

 

Os nosos profesionais informarano sobre calquera dúbida que teña respecto dos despedimentos e posibles fraudes nesta materia.