Nova información sobre o contrato

O Real decreto 723/2026 desenvolve o artigo 8.5 do Estatuto dos Traballadores e transpón parcialmente a Directiva (UE) 2019/1152, relativa a unhas condicións laborais transparentes e previsibles. Aplícase a todas as relacións laborais de duración superior a catro semanas. A obriga enténdese cumprida cando a información xa figura no contrato de traballo escrito; se este só a contén parcialmente, a empresa debe facilitar o resto en un ou máis documentos aparte.

A información abarca dezaseis apartados (RD 723/2026, artigo 3.2). Aos contidos de sempre engádense a duración e as condicións do período de proba, o dereito a formación, o cálculo da retribución variable, o uso de sistemas algorítmicos en decisións laborais, o plan de igualdade e o protocolo de acoso, as medidas LGTBI, o procedemento de extinción cos seus preavisos e a identificación do convenio aplicable.

Non se esixe papel: a información pode transmitirse en formato electrónico, sempre que sexa accesible para a persoa traballadora, se poida almacenar e imprimir e a empresa conserve a proba da transmisión ou recepción (o Ministerio de Traballo, a través do SEPE, publicou modelos). A información debe entregarse antes do inicio da relación laboral.

Sólo admiten remisión á norma ou convenio aplicable o salario base e os complementos, a xornada e a súa modificación, as horas extraordinarias, as vacacións, o período de proba, a formación, a extinción cos seus preavisos e a Seguridade Social coas súas melloras voluntarias. A referencia debe ser precisa: artigo e convenio identificado polo seu nome, código e boletín de publicación.

O período de proba esixe en todo caso indicar a súa duración concreta. Cando o convenio unicamente fixa duracións máximas, a cláusula “segundo convenio” é ineficaz e o pacto considérase como non posto: o desistimento convértese en despido improcedente.

 

Os nosos profesionais informarannos sobre calquera dúbida que teña sobre o novo Real Decreto 723/2026.