Por non confirmar a conta…

Unha SL recibiu unha factura dun provedor cuxo correo electrónico fora hackeado, o que fixo que pagase a factura na conta dun terceiro. ¿Queda liberada da débeda por ter pagado crendo que o facía ao seu provedor?

Este tipo de fraude (coñecido como “man in the middle”) é cada vez máis frecuente e consiste en que un terceiro hackea o sistema informático dunha empresa para desviar os pagos dos seus clientes. Por exemplo, intercepta unha factura lexítima e substitúe o número de conta bancaria por outro da súa titularidade, de modo que o cliente realiza o pago crendo que está abonando a factura ao seu provedor.

Por conseguinte, a cuestión que se plantea neste tipo de situacións é se o devedor queda liberado ou non da débeda. Pois ben, como regra xeral, para que un devedor quede exonerado debe pagar ao seu acreedor ou a alguén autorizado por este. Por tanto, se o pago se realiza a unha persoa diferente, a débeda segue existindo. Sen embargo:

• Unha das excepcións a esta norma prodúcese cando o devedor paga a quen aparenta ser o acreedor.
• Para iso, non é suficiente que crera que estaba pagando ao seu acreedor. É necesario que actuase de boa fe e con dilixencia e que, aínda así, seguisen existindo circunstancias obxectivas que facían pensar que estaba pagando ao acreedor lexítimo.

Así, para determinar se o devedor queda ou non liberado do pago, neste tipo de casos o que os tribunais analizan é se actuou con dilixencia ao realizar o pago a alguén que realmente non era o seu proveedor. En todo caso, o mellor é previr estas situacións:

• Informe aos empregados da súa empresa que se encargan dos pagamentos da existencia deste tipo de fraudes, para que comproben sempre que a conta de abono é a que habitualmente utiliza o proveedor.
• Se se produce un cambio de conta bancaria, contacte co interlocutor habitual do seu proveedor e confirme que a nova conta é correcta (para maior seguridade, solicítele un certificado de titularidade).

 

Se a súa empresa foi vítima dun fraude, contacte connosco. Os nosos profesionais axudarán e asesorarán sobre como actuar nestas situacións.