Obrígame a pechar por obras

A comunidade de propietarios do edificio no que ten alugado un local informoulle de que van facer unhas obras que o obrigarán a pechar uns días. Pois ben, vexa como reclamar unha idemnización por interromper a súa actividade.

En primeiro lugar, sepache que tanto os propietarios como os arrendatarios do inmoble están obrigados a consentir a realización das obras acordadas pola comunidade de propietarios que sexan necesarias para conservar os elementos comúns da finca (como a reparación dos baixantes, os elementos da fachada, etc.), aínda que lles ocasionen molestias.

Estes danos e prexuízos divídense en dous grandes conceptos:

•  O danoemerxente. Son os desperfectos que as obras poidan ocasionar no local, no mobiliario, na mercadoría almacenada, etc.

• O lucro cesante. Se durante as obras a súa empresa se ve obrigada a pechar, tamén poderá esixir unha indemnización que lle compense polo diñeiro que deixe de gañar no período durante o cal o local permanece pechado.

En segundo lugar, teña en conta que é preciso que acredite tales danos e prexuízos. A estes efectos:

• Probar o dano emerxente é relativamente fácil (por exemplo, mediante fotografías dos desperfectos ocasionados polas obras ou a través de facturas de compra das mercadorías ou os mobles que quedaran danados).

• En canto ao lucro cesante, unha parte está constituída polos custos fixos que a súa empresa seguirá asumindo durante o peche (subministros, aluguer, persoal...), que tamén poden ser cuantificados con relativa facilidade. Con todo, a outra parte está determinada polos beneficios deixados de obter durante o peche, e é aquí onde os tribunais esixen unha acreditación rigorosa, tanto na cantidade como na súa relación directa coas obras.

 

Os nosos profesionais axudarano a reclamar a indemnización que lle corresponda e asesorarano sobre como cuantificar e probar os beneficios deixados de obter durante o peche.