Participación nos negocios

Un coñecido seu inicia un negocio e propónlle participar nel facendo unha achega económica. Vostede considera que as perspectivas de obter beneficios nese negocio son boas, polo que decide participar e realizar esa achega.

Ao respecto, o primeiro que debe facer é deixar ben claro en concepto de que se vai realizar esa achega. Para iso, negocie coa outra parte se terá dereito a recuperar a cantidade achegada –transcorrido o prazo que acorden– ou se asume o risco de perdela no caso de que o negocio non teña beneficios. En definitiva, deixen claro se acordan un préstamo ou unha conta en participación.

Deste modo, se o que vostede quere é participar no negocio pero conservar o dereito a recuperar o capital achegado, deberá firmar un contrato de préstamo. Neste caso, poderá elixir entre unha destas opcións:

• Ordinario. Pode firmar un préstamo ordinario, de maneira que, transcurrido o prazo que acorden, vostede recuperará a súa achega máis os intereses que pacten.
• Participativo. Tamén pode firmar un préstamo participativo. Trátase dun préstamo cuxos intereses son variables en función da evolución do negocio, polo que a súa firma implica asumir un maior risco que co préstamo ordinario. Non obstante, tanto se opta por un préstamo ordinario como por un participativo, vostede manterá o dereito a recuperar a súa achega.

En cambio, se firman un contrato de contas en participación, vostede asume o risco de perder a cantidade achegada se o negocio non xera ganancias, xa que non existe unha obriga de devolver o diñeiro recibido. Neste tipo de operación, unha persoa física ou xurídica (o partícipe) achega bens, dereitos ou capital para participar na actividade ou negocio doutra (o xestor), e ambos comparten os resultados do negocio, tanto se hai ganancias como se hai perdas.

Por todo iso, evite riscos: se vai a aportar fondos ao negocio do seu coñecido, firmen un contrato no que queden claras as condicións. Teña en conta que, se o negocio consegue os beneficios esperados, o risco de que xurdan discrepancias redúcese. En cambio, se o resultado non é o esperado, aumenta o risco de que a parte que recibiu o diñeiro intente evitar a súa devolución aproveitando calquera resquicio do contrato (por exemplo, se vostede realizou a aportación sen firmar nada ou se o contrato asinada non era do todo claro).

 

Os nosos profesionais asesoraránno en todo o que necesite saber para o caso de que queira participar nun negocio.