Debo aceptar a devolución?

Unha das cuestións que lle preocupan á súa empresa son as frecuentes devolucións por parte dos consumidores. Por iso, plantéxase ser restrictivo nesta materia…

Pois ben, nas vendas por Internet, a lei recoñece ao consumidor o dereito a desistir da compra libremente; é dicir, o cliente pode devolver o produto sen xustificar a súa decisión e sen ningunha penalización. Non obstante, a empresa sempre debe comprobar se o cliente desistiu dentro do prazo legalmente previsto. Desta maneira:

• O comprador pode desistir nun prazo de 14 días naturais (é dicir, incluídos os festivos), a contar dende a recepción do ben, sendo o primeiro día do cómputo o seguinte á recepción do produto.

• Con todo, se non se informou adecuadamente ao cliente do seu dereito de desistimento –xa sexa por descoido ou por descoñecemento–, o prazo para desistir do que este dispón é de 12 meses, a contar desde que rematan os 14 días iniciais.

Aínda cando o cliente desiste no prazo, a empresa pode negarse á devolución do produto polos motivos que prevé a lei. Vexa algúns deles:

• Personalizado . Cando se trata dun produto que foi confeccionado conforme ás especificacións do consumidor ou se foi personalizado para el.

• Hixiene. Tamén pode opoñerse se se trata de bens que non sexan aptos para seren devoltos por razóns de protección da saúde ou de hixiene, ou ben que foron desprecintados tras a entrega.

• Deterioro. Tamén pode denegar a devolución se se trata dun ben que pode deteriorarse ou caducar con rapidez. Esta causa sería aplicable, por exemplo, a determinados alimentos.

 

Os nosos profesionais asesorarano e axudarano a valorar o seu caso concreto e asesorarano respecto aos seus dereitos e obrigas en materia de consumidores.