Venda de activos sen autorización da xunta

O administrador da SL da que é socio vendeu uns inmobles, pero vostede considera que son un activo esencial e que, por tanto, debería ter contado coa autorización previa da xunta.

Pois ben, a lei non contén un listado do que considera activos esenciais. Con todo, si existen dous criterios (que poden darse ou non simultaneamente) aos que se pode atender para determinar que activos son esenciais: o cuantitativo e o cualitativo.

No que respecta ao criterio cuantitativo, a lei establece que se presume o carácter esencial dun activo cando, segundo o último balance aprobado, este supera o 25% do valor do total de todos os activos que ten a sociedade (aínda que, como é unha presunción, cabe proba en contrario; é dicir, pódese discutir o carácter de esencial se se acredita que non se supera ese valor).

Do mesmo xeito, tamén se considera que un activo é esencial (criterio cualitativo) se a súa adquisición, enaxenación ou aportación a outra sociedade pode, entre outras consecuencias:

• Alterar substancialmente a estrutura organizativa ou patrimonial da empresa.
• Pór en risco a efectiva realización do seu obxecto social.
• Abocar á sociedade a unha situación de disolución ou liquidación "de facto".

A lei require que a adquisición, enaxenación ou aportación a outra sociedade deste tipo de activos sexa aprobada pola Xunta. No caso contrario, os socios poden exercer accións xudiciais para solicitar a nulidade da venda ou para pedir responsabilidade ao administrador, tendo en conta as circunstancias do caso concreto.

 

Os nosos profesionais asesorarano e axudarano a valorar os pasos a seguir, así como a decidir a acción xudicial máis conveniente no seu caso concreto.