Comisión por descuberto

A súa empresa é titular dunha conta de crédito nunha entidade bancaria que lle permite dispor dun importe durante un período determinado de tempo. Con todo, vostede realizou operacións por enriba dese límite de crédito e, debido a ese descuberto, o banco non só lle practicou liquidacións por intereses moratorios, senón que tamén lle cobrou unha comisión por exceso de descuberto.

Pois ben, esta práctica non é correcta e, de feito, os tribunais xa se pronunciaron en casos como este: nunha situación así, reclame ante a entidade bancaria. Se esta non lle retrocede a comisión, acuda aos tribunais utilizando os seguintes argumentos:

• En primeiro lugar, os intereses son unha indemnización de danos e prexuízos a favor do banco cuxo orixe se atopa na morosidade do cliente, mentres que a comisión ten por finalidade retribuír un servizo concreto e efectivamente prestado pola entidade.
• O cobro de ambos conceptos pola mesma débeda e para o mesmo período supón unha duplicidade de cobro por parte da entidade bancaria. Iso debe a que, no seu caso, a comisión non corresponde a un servizo real e diferente prestado polo banco, tal como esixe a normativa bancaria.
• Aínda que exista unha cláusula contractual que prevea estas comisións, iso non é abondo para impoñelas de forma automática, xa que deben responder a un servizo prestado.
• A prohibición de duplicidade é aplicable tanto aos casos nos que o cliente sexa un consumidor como nos casos nos que se trate dunha empresa ou dun profesional.

Lembre que, ao contrario do seu caso, nos contratos de conta corrente bancaria nos que interveñen consumidores o tipo de interese aplicable aos descubertos e excedidos non pode superar 2, 5 veces o interese legal do diñeiro. Esta limitación ven impoñida pola normativa bancaria e o seu incumprimento pode conlevar que a cláusula se considere abusiva e sexa declarada nula polos tribunais.

Os nosos profesionais resolverán todas as dúbidas que lle xurdan sobre as comisións bancarias e axudarano coa correspondente reclamación ante a entidade.