Como actuar en caso de sinistro?

En casos como este, o tomador ou asegurado (neste caso, a súa empresa) deben actuar de forma diligente e cumprir coas seguintes obrigacións:

• Comunicar o sinistro á aseguradora no prazo máximo de sete días desde que se tivo coñecemento do sinistro (salvo que na póliza se indique outro prazo máis amplo). Esta comunicación deberá facerse a través dun medio que permita deixar constancia dela (por exemplo, burofax, correo electrónico con acuse de recibo, de forma telemática a través da área privada ou de clientes, etc.). Iso si: se se proba que a compañía aseguradora tivo coñecemento do sinistro por outro medio, este incumprimento non terá consecuencias.

• Facilitar toda a información da que se dispoña sobre as circunstancias e as consecuencias do sinistro.

• Tomar as medidas necesarias e os medios que estean ao seu alcance para minimizar os danos. Por exemplo, se se trata de danos por auga, pechar as chaves de paso e protexer elementos potencialmente perigosos (como aparellos enchufados) e todo o que poida deteriorarse pola auga. Ademais, os gastos (excepto se son desproporcionados) estarán cubertos polo seguro.

Se se incumpren estas obrigas, o asegurado responderá fronte á aseguradora polos danos e prexuízos que iso lle cause. Así, a aseguradora podería non idemnizar pola totalidade dos danos ou incluso rexeitar o pago de calquera idemnización.

 

Podemos axudarlle a tramitar a comunicación do sinistro, así como co resto dos trámites que deba realizar coa súa aseguradora, para reclamar a idemnización correspondente, incluída a vía xudicial.