Socios ou colaboradores?

Decidiu emprender un negocio xunto con outros profesionais do mesmo sector, para o cal pensan alugar un local e compartir os gastos. Pero, aínda que á primeira vista isto poida parecer unha mera colaboración, se a relación se deteriora e deciden separarse poden xurdir conflitos.

Nestas situacións existe o risco de que algún dos seus colaboradores alegue que, en realidade non había unha colaboración, senón que existía unha sociedade, e que, en consecuencia, lle reclame parte dos beneficios.

Por tanto, para evitar este tipo de conflitos, ao iniciar un negocio con outras persoas deixe claras desde o principio as condicións que van rexer a relación:

• Se realmente queren emprender un negocio en común para repartir os beneficios que obteñan, constitúan unha sociedade mercantil (por exemplo, unha SL) e repartan as participacións no porcentaxe que acorden. Tamén poden optar por constituir unha sociedade civil na que os socios deben realizar aportacións que forman parte dun fondo común e os beneficios ou ganancias repártanse entre eles. Neste caso, e aínda que a lei non o esixe, documente por escrito dita sociedade e como será ese reparto de beneficios.
• Non obstante, se a idea de negocio é súa e só desexa contar coa colaboración de determinados profesionais, evite que se cumpran os requisitos antes indicados para entender que existe unha sociedade civil. Por exemplo, unha fórmula interesante é que asine cos seus colaboradores un contrato de prestación de servizos no que se pacte que a súa retribución (total ou parcialmente) dependerá da evolución do negocio.

 

Os nosos profesionais asesorarano e axudarano en todas aquelas cuestións legais relacionadas co negocio que queira emprender con terceiros.