Traspaso encuberto

O traspaso é a cesión definitiva do contrato de arrendamento a un terceiro a cambio dun prezo; é dicir, o arrendatario lle “traspasa” a un terceiro a súa posición no contrato de arrendamento e, por tanto, deixa de ser parte deste. Polo seu lado, o novo inquilino subrógase no contrato e asume todos os dereitos e obrigacións que tiña o anterior arrendatario.

En cambio, existe un arrendamento de industria cando se dan as seguintes circunstancias:

• O arrendatario conserva a posesión do local, de modo que se mantén como titular do contrato.
• O terceiro limítase a explotar o negocio, é dicir, aluga por un tempo determinado a cambio do pago dunha renda.

Pois ben, debe terse en conta que a figura do arrendamento de industria non pode utilizarse para agochar un verdadeiro traspaso (é dicir, unha cesión do contrato de arrendamento). Isto é importante porque, se realmente houbo un traspaso, debe cumprirse coa obrigación legal de notificalo ao arrendador, que ten dereito a incrementar a renda ou incluso —se así se pactou no contrato de arrendamento— a obter un porcentaxe do traspaso.

Por tanto, no caso de que vostede explote un negocio nun local arrendado e queira que un terceiro continúe coa súa actividade, non esqueza realizar a notificación fehaciente (burofax) ao arrendador no prazo dun mes dende que tivo lugar o traspaso ou subarrendamento. De non facelo, este poderá resolver o contrato de arrendamento.

 

Os nosos profesionais asesorarano e axudarano en todas aquelas cuestións legais no caso de que vostede queira traspasar o seu negocio.