Suspensión de emprego e salario no fin de semana?

Cando unha empresa quere sancionar a un traballador, pero ao mesmo tempo o necesita para prestar servizos e non quere prescindir del, é posible que se plantexe suspendelo de emprego e salario —incluíndo o fin de semana— para que deixe de traballar menos. Pois ben, esta medida non é correcta. A estes efectos:

• A sanción de suspensión de emprego e salario implica que o traballador non presta servizos e, por tanto, tampouco cobra o salario por esos días. Por tanto, a sanción debe cumprirse en días nos que o traballador debía traballar.

• Se o empregado non ten obriga de traballar en sábado ou domingo, neses días non pode suspenderse o emprego, porque non existe prestación laboral.

Ademais, segundo o Estatuto dos Traballadores, non se poden impoñer sancións que consistan na redución da duración das vacacións ou noutra minoración dos dereitos ao descanso do traballador. Utilizar o descanso semanal como parte dunha sanción é incorrecto. Neste sentido:

• O dereito ao descanso semanal do empregado xa está xerado. Isto significa que, se traballou de luns a xoves, xa xerou o dereito a descansar o sábado e o domingo.

• Por tanto, a empresa non pode "suspender" un dereito que xa foi adquirido polo traballo efectivo da semana.

Por exemplo, se un empregado traballa de luns a venres e a empresa quere impoñer unha sanción de tres días de suspensión de emprego e soldo, debe facelo en tres días laborables.

 

Os nosos profesionais informarano sobre calquera dúbida que teña sobre imposición de sancións aos traballadores.