Gastos por rendementos netos do traballo

Se percibe rendementos do traballo, lembre os gastos que pode deducir dos rendementos brutos:

• O principal gasto que pode deducir son as cotizacións á Seguridade Social á súa conta (a cota obreira que a empresa xa lle reteu na nómina).

• Se cotiza como autónomo –porque, por exemplo, é socio maioritario da súa empresa e cobra un soldo dela–, tamén poderá deducir dos seus rendementos do traballo o importe que pagou por este concepto.

• Tamen pode deducirse como traballador 2.000 euros en concepto de “Outros gastos”. Este gasto é aplicable a todos os perceptores de rendementos do traballo, sen máis requisitos.

Xunto con estes gastos –que, en xeral, xa aparecerán nos datos fiscais facilitados por Facenda–, existen outros menos frecuentes e que tamén pode aproveitar:

• En primeiro lugar, pode deducirse as cotas pagadas a sindicatos de traballadores, sen límite cuantitativo.

• Tamén se pode deducir as cotas satisfeitas ao seu colexio profesional en concepto de colegiación (co límite de 500 euros ao ano), sempre que, pola actividade desenvolvida, esta colegiación sexa obrigatoria.

• Doutra banda, se durante o ano satisfez gastos de avogados e defensa xurídica por litixios coa empresa que lle satisface os rendementos , tamén poderá deducilos, co límite máximo anual de 300 euros.

• Por último, se vostede é traballador cunha discapacidade igual ou superior ao 33%, poderá deducir dos seus rendementos do traballo un gasto adicional de 3.500 euros, importe que se eleva a 7.750 euros se a discapacidade é igual ou superior ao 65% ou se pode acreditar que necesita axuda de terceiras persoas ou ten mobilidade reducida.

 

Os nosos profesionais asesorarano en todas as dúbidas que se lle plantexen con relación á declaración do IRPF.