Isto é un segredo empresarial

Moitas empresas saben que deben protexer a súa marca; con todo, tamén existen outros activos que son valiosos e que deben protexer. É o que se coñece como segredo empresarial , é dicir, toda a información ou coñecemento tecnolóxico, científico, industrial, comercial, organizativo ou financeiro que teña valor empresarial (como, por exemplo, unha fórmula secreta, datos comerciais, etc.).

Ademais, para que este coñecemento ou información poida ser considerado segredo empresarial, ten que cumprir cos seguintes requisitos:

• Debe ser segredo, isto é, coñecido por un número limitado de persoas.

• Debe estar protexido por medidas internas razoables e específicas para que siga a ser segredo.

Pois ben, para que vostede poida protexer estes segredos, debe implementar medidas de protección razoables e específicas. Por iso:

• Identifique claramente o segredo que se protexe. Non pode ser algo difuso como "clientela"; debe concretarse (cunha lista, por exemplo).

• Do mesmo xeito, deberá adoptar medidas de seguridade tanto físicas (control de acceso, emprazamento seguro, etc.) como xurídicas. Para iso, utilice cláusulas de confidencialidade e obrigue a asinaras a quen teña acceso ao segredo empresarial (traballadores, proveedores, clientes, etc.).

Do mesmo xeito, é conveniente elaborar un protocolo de actuación no caso de que se produza un ataque contra o segredo empresarial; por exemplo, levar a cabo unha investigación interna, denunciar o feito á policía, iniciar accións xudiciais, etc.

Se, en calquera caso, un terceiro accede aos seus segredos (mediante roubo, espionaxe industrial, etc.), vostede poderá solicitar que cese o uso destes segredos, quedar cos produtos fabricados á conta destes (se corresponde) e reclamar unha indemnización.

 

Os nosos profesionais asesorarano e axudarano a adoptar as medidas axeitadas para protexer o seu segredo empresarial, así como, de ser o caso, a interpoñer accións xudiciais en defensa dese.