Problemas co porcentaxe do socio na empresa

Un socio adquiriu no seu momento 1.500 participacións (cun valor nominal de un euro cada unha) dunha SL cuxa capital social é de 15.000 euros; polo tanto, é titular do 10% do capital social de dita sociedade. Sen embargo, a SL só lle recoñece a titularidade de 675 participacións (isto é, un 4,5%), alegando que é o que consta inscrito no libro rexistro de socios. Deste modo, a pesar de que o socio defende ser titular do 10% e solicitou ao administrador da SL que rectifique a inscrición que consta no libro rexistro de socios, a SL négalle o seu porcentaxe.

Como consecuencia desta discrepancia, o socio verá afectados os seus dereitos económicos; por exemplo, pode verse prexudicado o seu dereito a percibir os dividendos que lle correspondan cando a SL decida repartilos entre os socios.

Así mesmo, poden verse afectados tamén os seus dereitos políticos. En concreto, aqueles que a lei recoñece aos socios que son, ao menos, titulares do 5% do capital social; por exemplo:

• Dereito a solicitar a convocatoria dunha xunta de socios e a obter información –con anterioridade á súa celebración ou ben durante o seu transcurso– relativa aos asuntos que comprenden o orde do día.
• Dereito a pedir a presenza dun notario na xunta para que levante acta.
• Dereito a solicitar a designación dun auditor para que audite as contas anuais da compañía.

Por tanto, se un socio detecta que o que consta inscrito é erróneo e a sociedade se nega a rectificalo, deberá acudir aos tribunais para interpor unha demanda exercitando o que se coñece como “acción declarativa de dominio”: esta acción permitiralle solicitar na demanda que se declare xudicialmente cal é o porcentaxe correcto do que é titular, así como que a SL inscriba ou rectifique o libro rexistro de socios nese sentido.

 

Os nosos profesionais asesoraranlle e axudarán para que vostede coñeza e defenda os seus dereitos como socio nunha entidade mercantil.