Contratación e adaptación de xornada

Os traballadores poden solicitar adaptacións de xornada para a conciliación familiar. Pódense consistir en cambios de horario, de quenda e de distribución da xornada e incluso na realización de teletraballo se esta forma de prestar servizos está implantada na súa empresa. Agora ben, este dereito non permite impoñer unilateralmente o horario desexado. A estes efectos:

• A lei obrígao a analizar a solicitude e valorar se é razoable organizativamente.

• Cómpre buscar un equilibrio entre a necesidade de conciliación do traballador e as necesidades organizativas ou produtivas do posto.

No caso de que o traballador fose contratado precisamente para cubrir unha franxa horaria concreta, o horario pasa a ser parte esencial dese posto, polo que a empresa poderá chegar a denegar a adaptación de xornada, ao existir razóns organizativas ou produtivas reais.

Nestes supostos convén comprobar se existen postos compatibles co horario solicitado. Se non existe ningún, a empresa poderá opoñerse, sempre que o fundamente.

Un erro frecuente é responder simplemente que o cambio “non é posible por necesidades organizativas”. Neste caso, pódese considerar que a negativa da empresa non está xustificada. Por tanto, é recomendable:

• Antes de denegar a solicitude, manter unha reunión co traballador e valorar alternativas intermedias. Deste modo a empresa poderá acreditar que negociou de boa fe e que analizou a petición.

• Cando denegue a solicitude, facelo por escrito e explicar razoablemente que necesidade organizativa existe e por que o cambio afectaría ao funcionamento do servizo (por exemplo, indicando que se o traballador foi contratado nun horario concreto foi porque a necesidade empresarial existe especificamente nese horario).

 

 

Os nosos profesionais informaralle sobre calquera dúbida que teña sobre a adaptación da xornada.