Abandono do local

Vostede ten un negocio cuxa actividade se leva a cabo en dous locais que ten alugados, pero, como quere aforrar custos de forma inmediata, ten urxencia en deixar un deles. Pois ben, nestes casos, o arrendatario debe adoptar unha serie de cautelas coa finalidade de evitar posibles conflitos futuros co arrendador.

En primeiro lugar, se o arrendatario toma a decisión de deixar o local e coincide co que a data de finalización do contrato está próxima, o máis conveniente é agardar e entregar as chaves ao arrendador cando o prazo finalice, xa que as partes deben respectar o prazo de duración que pactaron.

En calquera caso, sempre hai que revisar o contrato para comprobar se existen cláusulas que conten prórrogas automáticas, así como o preaviso que deba cumprir o arrendatario para evitalas.

Por outro lado, se no contrato se incluíu unha cláusula que permite ao arrendatario desistir anticipadamente (en definitiva, abandonar o local antes de tempo) e quere marchar, deberá seguir o procedemento acordado no contrato (como se debe comunicar ese desistimento, o prazo para realizalo, etc.).

Se, en cambio, no contrato non se incluíu ningunha cláusula de desistimento, a saída anticipada do arrendatario pode considerarse un incumprimento contractual e, por tanto, o arrendador podería reclamarlle danos e prexuízos.

Por último, se finalmente o inquilino deixa o local, teña en conta que:

• Para evitar que o arrendador retenda a fianza, o arrendatario debe entregar o local no mesmo estado que o recibiu. A tal efecto, non se terán en conta os desperfectos polo desgaste derivado do uso normal (o inquilino só responde dos causados por un uso incorrecto).

• Se o inquilino fixo obras no local (porque o propietario lle autorizou a adecualo á súa actividade) e o contrato non establece nada sobre elas, poderá retirar as melloras que realice, pero só se o pode facer sen “detrimento” do local (poderá retirar elementos movibles, por exemplo).

 

Se quere deixar un local, os nosos profesionais asesorarán para evitar calquera controversia co arrendador.