Prestacións accesorias

Nos estatutos da súa SL pactouse que todos os socios se comprometían a realizar prestacións accesorias para a sociedade. Non obstante, un deles deixou de cumprir con esta obriga…

As prestacións accesorias denomínanse así polo seu carácter accesorio á obriga principal dos socios, que é a achega de capital. Así mesmo, aínda que as sociedades non teñen a obriga de establecelas, se se prevén, os socios que se comprometeron deben cumprilas.

Por outro lado, a lei exixe que estas prestacións se inclúan nos estatutos. Non obstante, se non se prevían inicialmente, a lei permite establecelas despois. Así mesmo, para crealas, modificalas ou extinguilas posteriormente, deben aprobarse en xunta de socios pola mesma maioría que para as modificacións estatutarias (é dicir, o voto favorable de máis da metade dos votos correspondentes ás participacións nas que se divida o capital social). Ademais, será necesario o consentimento do socio que vai obrigarse a realizar a prestación.

Pois ben, se un socio incumple, a sociedade ten as seguintes opcións:

• Pode esixir ao socio que realice a prestación. Ademais, se o incumprimento provocou danos e prexuízos (por exemplo, perda de potenciais clientes), poderá dar lugar a unha indemnización.
• Pódese incluir unha cláusula penal nos estatutos como garantía fronte ao incumprimento do socio.
• Pode excluíse ao socio, xa que así o prevé a lei. Por tanto, se este foi requerido para que cese no seu incumprimento e fixo caso omiso, poderán excluílo. Para iso, necesitarase un acordo da xunta aprobado pola maioría dos votos que represente, ao menos, 2/3 do capital social (non obstante, comprobe antes os estatutos por se prevén unha maioría superior).

 

Os nosos profesionais asesoraranlle en todas as cuestións legais relacionadas coa creación, a modificación ou a extinción de prestacións accesorias na súa sociedade.