Formulario de Reclamación ante o Banco de España

Servizo de Reclamacións do Banco de España

Se o defensor do cliente da súa entidade non lle dá a razón ou non resolve a súa reclamación no prazo de dous meses, vostede pode dirixirse ao Servizo de Reclamacións do Banco de España.

Se o informe do Banco de España lle é favorable, é probable que a entidade rectifique a súa posición inicial (aínda que non é obrigatorio). E se non o fai, vostede terá un ditame a favor que será unha proba contundente se, finalmente, decide demandar ao banco ante os tribunais.

Procedemento

Para que o Servizo de Reclamacións do Banco de España tramite a reclamación, é imprescindible que teña reclamado previamente e por escrito ante o servizo de atención ao cliente ou defensor do cliente da propia entidade. Asimismo, é necesario acreditar que pasaron dous meses dende que se presentou a reclamación sen que fose resolta (ou ben que foi denegada a reclamación). Por iso, é importante solicitar acuse de recibo da reclamación presentada ante o servizo de atención ao cliente.

Tras recibir a reclamación, o Servizo de Reclamacións abre un expediente e finalmente formula o correspondente informe. Se este é desfavorable para a entidade financeira esta debe informar, no prazo dun mes, se procedeu a rectificar de forma voluntaria.

En cambio, se o Servizo de Reclamacións do Banco de España desestima a súa reclamación, só lle quedará acudir aos tribunais. Neste caso –e trátase dun problema que afecta a moitas persoas–, unha opción é reclamar a través dunha asociación de usuarios, pois estas presentan o que se denomina “demanda colectiva” (como as que se presentaron contra as “cláusulas solo” de algunhas hipotecas).

Presentación da reclamación

A reclamación ante o Banco de España pódese presentar de dúas formas:

• Por vía telemática. Para iso, acceda á Oficina Virtual do Banco de España a través da seguinte páxina web: https://sedeelectronica.bde.es .
• Por escrito. Ademais, o formulario de reclamación tamén pode presentarse por escrito no Rexistro Xeral do Banco de España ou nas súas sucursais. Ou enviarse por correo postal ao Banco de España.