Actividades incompatibles coa IT

A apreciación da compatibilidade ou incompatibilidade das actividades realizadas por un traballador durante unha incapacidade temporal (IT) non se limita á valoración médica da incidencia desas actividades sobre a curación do empregado (cuxa enfermidade é normalmente descoñecida pola empresa). O determinante é se, con esas actividades, se pode evidenciar a capacidade do afectado para o seu traballo, contradicindo a súa situación oficial de baixa médica.

Para que esta análise non sexa subxectiva, os tribunais utilizan a Guía de Valoración Profesional do Instituto Nacional de Seguridade Social (INSS) . Trátase dunha ferramenta que proporciona un criterio obxectivo e imparcial que permite comparar os requisitos psicofísicos da profesión habitual do traballador fronte ás tarefas e actividades que este realiza estando en situación de IT.

Esta ferramenta inclúe, principalmente:

• 502 ocupacións. Fichas profesionais para todas as ocupacións que integran a Clasificación Nacional de Ocupacións (CNO-11).

• 28 requisitos. Para cada ocupación, analízanse as aptitudes psicofísicas necesarias, que se dividen en áreas (como carga física, carga mental -comunicación, toma de decisións e presión-, carga biomecánica, visión e audición...).

• Escala do 1 ao 4. Cada requisito mide-se nunha escala que vai de menor a maior esixencia (grao 1: baixa; grao 2: moderada; grao 3: media-alta; grao 4: moi alta).

Todo iso permite facer un xuízo obxectivo para determinar se un traballador posúe unha aptitude que contradiga a súa situación de IT, pois non importa a enfermidade específica (que a empresa normalmente descoñece); o relevante é se a conduta do traballador revela que ten capacidade para realizar as tarefas do seu posto habitual (se o afectado pode realizar fóra da empresa tarefas cunha esixencia similar ou equivalente ás do seu contrato, está a incorrer nunha simulación ou fraude, o que xustificaría o seu despedimento disciplinario).

 

Os nosos profesionais informaránlle sobre calquera dúbida que teña sobre incompatibilidades coa IT.