¿É todo confidencial?

Vostede foi administrador dunha sociedade e quere comezar unha actividade profesional no mesmo sector pero por libre. Por iso, pregúntase que información á que tivo acceso durante a súa etapa na sociedade pode utilizar e cal non...

Pois ben, durante o exercicio do seu cargo, o administrador dunha sociedade non debe revelar aquela información confidencial á que ten acceso, posto que forma parte do seu deber de lealdade á sociedade. A este respecto, teña en conta que:

• O administrador ten a obrigación de gardar en segredo a información "confidencial" da sociedade incluso despois de deixar o cargo. Isto supón que non a pode difundir nin utilizala en beneficio propio.
• Aínda que a lei non ofrece unha definición pechada, considérase "confidencial" a información obtida como consecuencia de exercer o cargo de administrador cando sexa información que a empresa queira manter reservada ou protexida fronte a terceiros ou cuxa divulgación poida causarlle algún dano (por exemplo, a que teña relación con información técnica, comercial, financeira...).
• Non consta un prazo legal concreto para esta obrigación de segredo. En consecuencia, mentres exista un interese da empresa en manter o carácter confidencial da información, a obrigación seguirá a ser esixíbel para o administrador, incluso aínda que xa deixara o cargo.

No caso de que, tanto durante o seu cargo como despois da súa cese, o administrador divulgue ou se aproveite de información confidencial da sociedade, é posible que lle cause un dano. Por exemplo:

• A perda de clientes (se, no seu caso, se difunde un listado e os captura un competidor).
• Ou a perda de oportunidades de negocio que a sociedade desenvolveu e das que, finalmente, acabe aproveitándose o administrador.

Nestes casos, a sociedade poderá esixir ao administrador ou ex-administrador unha indemnización polos danos e prexuízos sufridos, así como –se procede– o beneficio que deixou de obter.

 

Os nosos profesionais asesorarano en relación con todas aquelas cuestións legais relacionadas co seu cargo de administrador, así como con aquelas que se lle plantexen tras a súa saída da sociedade.