Inspección de traballo: mellor con asesor

Se unha empresa recibe unha citación para comparecer ante a Inspección de Traballo, pode acudir en solitario para aforrar os honorarios do seu asesor. Non obstante, moitas inspeccións apoianse en indicios previos (denuncias, atestados policiais, cruces de datos...) que non sempre acreditan toda a extensión do incumprimento. O que a empresa declare pode ser determinante... Por iso, é recomendable acudir cun asesor.

A lei obriga á empresa a colaborar coa Inspección de Traballo, pero as súas manifestacións non teñen por que ir máis alá dos feitos acreditados. Declaracións excesivas ou innecesarias poden converterse na principal proba en contra.

No día a día da Inspección de Traballo repítese situacións como as seguintes:

• Empresarios que recoñecen que un traballador axuda no negocio, acode poucas horas ou traballou varios días, cando a Inspección só ten probas dun día de traballo.
• Empresas que admiten xornadas máis longas das acreditadas por rexistros de xornada ou incluso por testemuñas ou a RLT.
• Autónomos que confirman que unha situación irregular "se fai desde hai tempo", incluso concretando datas, permitindo á Inspección ampliar períodos para reclamar máis cotizacións.
• Persoas que explican verbalmente prácticas que non estaban sendo investigadas.

En definitiva, a Inspección pode utilizar as manifestacións da persoa que comparece como base para regularizar cotas ou graduar sancións. Por iso, antes de acudir a unha citación na Inspección é recomendable:

• Revisar a documentación existente e a solicitada.
• Non aportar “máis papeis” dos solicitados.
• Analizar que feitos están acreditados e non dar máis explicacións das necesarias.
• Deixar que sexa un asesor quen responda ás preguntas do inspector.

 

Os nosos profesionais informarano sobre calquera dúbida que teña respecto á xestión e preparación das inspeccións de Traballo e Seguridade Social.