PAÍS VASCO: Pode aplicar a dedución por descendentes?

Que requisitos deben cumprir os descendentes?

• Non poden ter máis de 30 anos, agás que dean dereito á dedución por discapacidade.
• As súas rendas anuais non poden superar o SMI. Ou se forman parte doutra unidade familiar, ningún dos seus membros pode ter rendas superiores a ese importe.
• Non deben presentar a declaración da Renda, nin estar obrigados a facelo.

Quen pode aplicar a dedución?

Con carácter xeral, os ascendentes (pais, nais, avós) que convivan cos descendentes:

• Se son do mesmo grao, poden aplicar a dedución por partes iguais.
• Se son de diferente grao, aplícaa os de grao máis próximo, sempre que teñan rendas anuais superiores ao SMI. Se non, a dedución pasa aos de grao máis afastado.

Ademais dos ascendentes, poden outras persoas aplicar a dedución?

Si, as persoas ás que estean vinculados os descendentes por tutela ou acollida, ou aqueles que exerzan respecto deles a curatela con facultades de representación.

Hai algunha especialidade cando hai unha decisión xudicial sobre o mantemento económico dos descendentes?

• A dedución aplícaa o proxenitor que manteña economicamente ao descendente, aínda que non conviva con el.
• Se o mantemento depende de ambos proxenitores (o que se presume, salvo proba en contrario), práctícase por metades.

Os nosos profesionais explícanlle con detalle os requisitos desta dedución e as súas cantidades.