Problemas co proveedor

O seu proveedor pasoulle unha oferta para o subministro dun material e vostede a aceptou. Sen embargo, ao servirlle o pedido ve que a malinterpretou e que non é o que vostede quería. ¿Pode resolver o contrato por este motivo?

Pois ben, para que un contrato poida resolverse debe ter existido o que se coñece como “erro no consentimento”; é dicir, o erro que se produce cando unha persoa presta o seu consentimento para celebrar un contrato que se basea nunha crenza equivocada sobre un aspecto relevante deste.

Pero este erro sempre debe ser relevante, polo que debe ter influído de forma esencial na toma da decisión. E, para que así se considere, é preciso que cumpra os seguintes requisitos:

• Determinante. Sóamente invalidan os contratos aqueles erros que inflúen na vontade do contratante de forma esencial e determinante, é dicir, cando a crenza errónea é o que motiva a decisión. Por exemplo, o erro pode estar no obxecto da compravenda, nas características do ben ou nas condicións do acordo.
• Causalidade. Debe existir unha conexión directa entre o erro e a finalidade perseguida, de modo que, de non existir o erro, non se tería contratado.
• Excusable. Por último, quen alega o erro debe ter actuado con dilixencia suficiente, de modo que sexa inevitable cometelo: debe tratarse dun erro excusable.

Así pois, en casos así, examine a oferta que lle presentou o seu provedor e verifique os termos exactos, así como as comunicacións cruzadas nas que vostede lle informaba do que necesitaba. Se efectivamente se produciu un erro non imputable a vostede, comuníqueselo ao provedor (de forma fehaciente) e solicite resolver o contrato cunha devolución da mercadoría ou alcanzar outra solución amistosa.

Lembre que dispón de 30 días para reclamar que o recibido non é o que esperaba e que, se deixa transcurrir este prazo, xa non poderá acudir aos tribunais para resolver o contrato.

Os nosos profesionais axudarán e asesorarán en todas aquelas cuestións ou conflitos que poidan xurdir con os seus provedores.