Reparto de bens na herdanza

Unha das cuestións que se lles plantea ás persoas con patrimonio elevado é a da tributación da futura herdanza a favor dos seus descendentes. Aínda que existen mecanismos para reducilas –por exemplo, existen reducións na transmisión da vivenda do falecido, ou na transmisión das sociedades ou negocios familiares–, en algúns casos esta tributación pode ser elevada.

Pois ben, unha alternativa para reducir o custo do Imposto sobre Sucesións é a de incluír a máis persoas no testamento (iso si, respectando a lexítima dos fillos). Por exemplo, se os fillos xa teñen unha situación económica estable, pódese incluír aos netos, deixándolles inmobles específicos ou a nuda propiedade dalgúns deles –de forma que o uso e disfrute seguirá sendo dos fillos–.

Esta alternativa permite reducir o Imposto sobre Sucesións polos seguintes motivos:

• En primeiro lugar, porque dito imposto é progresivo (é dicir, canto máis alto é o valor da herdanza, maior é o tipo impositivo aplicable). Por tanto, ao repartir a herdanza entre varios beneficiarios, menos patrimonio recibirán estes e máis reducido será o tipo impositivo aplicable a cada un.
• En segundo lugar, porque as reducións por parentesco aplícanse a cada un dos beneficiarios. Por iso, se hai máis beneficiarios –xa sexa como herdeiros ou legatarios– e todos eles son descendentes –fillos e netos–, as reducións totais aplicadas serán maiores e, en consecuencia, haberá unha maior parte da herdanza que non tributará.

 

Veña a vernos. Os nosos profesionais farán unha simulación dos custos que pode supor a transmisión do seu patrimonio por herdanza e analizarán se existen mecanismos que permitan reducilos.