Como actuar se vai asinar un contrato e a outra parte é un apoderado?

As empresas están representadas polos seus administradores, que son os que poden contraer obrigas en seu nome. Así, quen non ostente este cargo terá que dispoñer dun poder que lle outorgue facultades abondas para actuar en nome da empresa.

Por tanto, se tras acordar a firma dun contrato de prestación de servizos como proveedor e pedir os datos ao seu cliente para redactalo lle facilitan unha escritura de poder, deberá comprobar o seguinte:

• Inscrición. Que a escritura figure inscrita no Rexistro Mercantil, o cal poderá verificar comprobando se constan uns selos rexistrais indicando a data e o asento (esta inscrición é só obrigatória para os "poderes xerais" e non para os "poderes especiais" -é dicir, os que se outorgan para realizar un acto concreto-).
• Vixencia. Que o poder non foi revogado. Para iso, solicite que se lle exhiba unha nota informativa do Rexistro Mercantil na que aparezca o apoderamento. Nos casos de poder especial, aínda que o poder estea revogado, o contrato asinado sería válido sempre e cando vostede descoñecera a revogación no momento da súa sinatura.
• Facultades e límites. Busque a facultade que corresponde ao acto (neste caso, contratación con proveedores). Se se trata dunha facultade xenérica, verifique se hai algún límite (por exemplo, no prezo). Non obstante, se o poder se circunscribe a unha actividade concreta (por exemplo, asinar contratos de proveedores de servizos de nóminas) e os servizos a prestar son distintos, o poder non será abondo.

Tras verificar o anterior, vexa que se require no seu caso concreto. Por exemplo, se vai asinar un contrato de cinco anos por valor de 50, 000 euros, deberá considerar estas dúas limitacións. É dicir, o apoderado deberá poder asinar, como mínimo, ata 50, 000 euros por operación, ademais de poder obrigar á empresa polo menos durante cinco anos (ou sen límite temporal).

 

 

Os nosos profesionais axudarano a verificar se a persoa que actúa como apoderado está debidamente facultada para o contrato das características concretas que queiran asinar.