Carencia por reformas

Nos contratos de arrendamento de locais ou naves industriais é habitual que o inquilino execute algunhas obras de adaptación do local ás súas necesidades. Pero, se as obras son dunha certa entidade, adoita acordarse que ao final do contrato quedarán en beneficio do local.

También é habitual pactar que, durante uns meses, o inquilino non pagará a renda (precisamente porque vai custear unhas obras que despois acabarán beneficiando ao local). Nestes casos:

• Existe unha relación directa entre a renuncia do arrendador a cobrar un determinado número de mensualidades e a obriga do arrendatario de executar as obras pactadas.
• Polo tanto, no caso de incumprimento, o propietario poderá optar entre que se lle pague a renda non cobrada ou esixir a execución das obras nos termos pactados, sen prexuízo, en ambos os casos, da indemnización que lle corresponda polos danos que poida acreditar.

 

A estes efectos, no contrato de arrendamento deberase indicar, como mínimo, o prazo de execución das obras, as licenzas necesarias, o orzamento da reforma, a memoria de calidades e os planos do resultado final.

Ao rematar o contrato, o arrendatario non poderá pedir unha compensación adicional polo custo das obras realizadas, quedando estas en beneficio da propiedade.

En todo caso, debe ter en conta que:

• Se o inquilino non executa as obras dentro do prazo de carencia, o propietario poderá optar entre esixir a súa execución, segundo o pactado, ou esixir o pago íntegro das rendas deixadas de cobrar. Se tras a notificación o inquilino segue sen cumprir, o propietario poderá resolver o contrato (e seguir reclamando o pago das rendas).
• O propietario terá as mesmas opcións se as obras realizadas exceden ou difiren das autorizadas, sen prexuízo do seu dereito a esixir, ao final do contrato, que queden en beneficio do inmoble, sen que o inquilino poida reclamar ningunha indemnización.

Os nosos profesionais asesorarano na redacción do contrato de arrendamento e nas cláusulas relativas á execución das obras e á carencia da renda.