Obras na finca

No inmoble vanse realizar unhas obras de certa importancia e durarán varios meses. Polo tanto, o seu local verase afectado e non poderá desenvolver a súa actividade durante un tempo, polo que vostede quere saber cales son os seus dereitos a respecto.

En primeiro lugar, a lei concede ao arrendatario –a súa empresa, neste caso– o dereito a suspender ou incluso a desistir do aluguer sen pagar indemnización algunha, sempre que non se pactara o contrario no contrato e se dean os seguintes requisitos:

• As obras deben ser necesarias para conservar o local en condicións de ser utilizado ou esixidas pola Administración Pública.
• Ademais, é necesario que ditas obras impidan realizar a actividade para a que se alugou o local.

A lei non concreta durante canto tempo debe existir a imposibilidade de desenvolver a actividade para que poida darse a suspensión ou o desistimento. Pero desistir do contrato por unhas obras de poucos días sería desproporcionado. Se non hai acordo, os tribunais decidirán segundo os inconvenientes e as circunstancias que se deriven do desaloxo e traslado dos bens existentes no local.

Vexa en que consisten as dúas opcións das que dispón:

• Suspensión. Se se opta por suspender o contrato, mentres duren as obras vostede non deberá pagar a renda, nin tampouco correrá o prazo de duración pactado.
• Desistimento. Se prefire desistir do contrato, poderá resolvelo sen ter que pagar ningunha idemnización ao propietario.

 

Os nosos profesionais asesorarano e axudarano a valorar que opción lle convén máis no seu caso concreto.