Erro na CIRBE

Se a súa empresa figura na Central de Información de Riscos do Banco de España (CIRBE) como debedora por erro, como pode reclamar que eses datos sexan rectificados pola entidade bancaria?  

Pois ben, en primeiro lugar, debe acudir á entidade que facilitou esa información errónea (entidade declarante) á CIRBE para que rectifique ou cancele os datos que figuran nela. Con tal efecto:

• Debe presentar unha reclamación no servizo de atención ao cliente da entidade cos motivos da solicitude e adxuntando a documentación que probe o erro (por exemplo, a escritura de cancelación do préstamo).
• O prazo máximo que ten a entidade para responder é dun mes desde a presentación.

No caso de que a entidade non responda ou non acepte rectificar, debe acudirse ao Servizo de Reclamacións do Banco de España (BE). A partir de aquí:

• O BE trasladará a petición á entidade, que deberá responder en 15 días laborables se o interesado é persoa física ou 20 días laborables no caso de ser persoa xurídica.
• Se a entidade bancaria accede á rectificación, deberá trasladalo á CIRBE de forma inmediata.

Se non rectifica, deberase interpoñer unha demanda para solicitar a declaración xudicial da existencia do erro, así como a súa rectificación pola entidade bancaria. Asimismo, poderase solicitar, no seu caso, unha indemnización polos posibles danos e prexuízos que causaran os datos erróneos ou ben pola vulneración do dereito ao honor.

 

Os nosos profesionais axudarán a solicitar a corrección dos datos erróneos que consten na CIRBE e a tramitar as correspondentes reclamacións.