Asinatura dun precontrato

É común que un futuro empregado queira asinar un precontrato no que se reflictan as condicións baixo as que será contratado. Con este documento, tanto a empresa como o traballador comprométense a formalizar un contrato de traballo no futuro. Por tanto, se ese contrato non se chega a asinar por culpa dunha das partes, a outra poderá esixir unha indemnización polos prexuízos sufridos.

A solicitude do empregado é lóxica (para evitar o risco de quedarse sen o seu actual emprego, sen o futuro traballo e sen unha posible prestación por desemprego). E aínda que a asinatura deste precontrato non é obrigatoria, á empresa tamén lle interesa para fixar responsabilidades e indemnizacións en caso de incumprimento:

• Se o posto de traballo é cualificado e á empresa lle custou atopar ao candidato idóneo, pode introducir unha cláusula segundo a cal o empregado lle aboará unha indemnización se finalmente non se incorpora. Por exemplo, o custo do proceso de selección.
• Se é a empresa a que incumpre a súa obriga de contratar, o afectado tamén poderá reclamar unha indemnización (por exemplo, os salarios deixados de percibir desde o incumprimento ata a data da sentenza que recoñeza dita indemnización).
• Como a relación laboral aínda non terá nacido, ditas indemnizacións deberán reclamarse a través dos xulgados civís.

Se no precontrato se plasman unhas condicións (salario, xornada, tipo de contrato...) e á hora de asinar o contrato a empresa pretende incorporar outras, o traballador poderá negarse a asinar e poderá esixir unha indemnización. Non obstante, se accede a asinar con condicións distintas, entenderase que deu o seu consentimento ao cambio e xa non poderá reclamar o previsto no precontrato.

 

Os nosos profesionais informarano sobre calquera dúbida que teña respecto a contratos de traballo e precontratos.