Un socio pediu un notario para a xunta

Un administrador dunha SL, tras convocar unha xunta de socios, recibiu a petición dun socio de que asistise un notario a dita xunta para que este levantase acta notarial. Sen embargo, o administrador desoíu a petición e a xunta celebrouse sen presenza do notario.

Pois ben, en primeiro lugar, debe terse en conta que a lei permite que calquera socio (ou varios conxuntamente) que teñan, polo menos, o 5% do capital social (1% nas SA) pode solicitar a presenza dun notario á xunta para que levante acta notarial da reunión. Ao respecto:

• Debe solicitalo con cinco días de antelación á data de celebración da xunta. Por tanto, se se cumpre con este requisito (xunto co de ter o porcentaxe do capital social correspondente), o administrador non pode negarse nin ignorar a solicitude do socio.

• Aínda que a lei non esixe ningún requisito formal, é conveniente que a solicitude se remita a través de algún medio que deixe constancia do seu envío e da súa recepción.

Pero que ocorre se o administrador ignora ou se opón á solicitude e a xunta celébrase sen notario? Pois ben, nese caso, a lei establece que os acordos adoptados na xunta serán nulos e ineficaces.

Por tanto, se un dos socios (o que fixo a solicitude ou calquera outro) impugna xudicialmente ditos acordos e a solicitude se realizou no prazo legalmente establecido, con toda probabilidade o tribunal dará a razón ao socio (ou socios) demandante.

Pola súa banda, se o administrador alega que non recolleu o burofax a tempo (e que, polo tanto, tivo coñecemento da solicitude de notario con posterioridade á xunta), este argumento pode non ser tido en conta polos tribunais: se o socio proba que cumpriu cos requisitos legais ao realizar a solicitude, os acordos serán automáticamente nulos se a xunta se celebrou sen notario, polo que será indiferente cal foi a conduta do administrador.

 

Os nosos profesionais asesoraranlle e axudarán en todas as cuestións legais relacionadas co seu cargo de administrador ou ben cos seus dereitos como socio.