Dívidas e prestación por nacemento para autónomos

Para cobrar a prestación por nacemento e coidado de menor, un autónomo debe encontrarse de alta na Seguridade Social e reunir o resto dos requisitos esixidos (por exemplo, se ten cumpridos os 26 anos, debe ter cotizado 180 días dentro dos 7 anos inmediatamente anteriores ou, alternativamente, 360 días ao longo da súa vida laboral). Ademais, debe estar ao corrente no pago das súas cotas.

Se o autónomo mantén dívidas coa Tesouraría, a Seguridade Social non denegará automaticamente a prestación. Cando o autónomo a solicite, remitiralle unha invitación ao pago para que regularice a súa situación. A partir de aí:

• Deberá atender esa invitación dentro do prazo de 30 días naturais. Se o fai, considerarase ao corrente de pago e conservará íntegramente o dereito á prestación.
• Se paga as cuotas adebedas fóra dos 30 días concedidos, seguirá tendo dereito á prestación, pero sufrirá unha penalización económica. A Seguridade Social reducirá a prestación nun 20% (a redución é definitiva e, unha vez aplicada, non se elimina, aínda que despois o autónomo siga ao corrente das súas obrigas coa Seguridade Social).

Por iso, con anterioridade ao nacemento, é recomendable que o autónomo revise se existen cuotas pendentes, aplazamentos incumpridos ou reclamacións de débeda notificadas pola Tesouraría. De ser así, debe regularizar a situación antes de solicitar a prestación. Así evitará retrasos na xestión do expediente e o risco de perder parte da cuantía. No caso de que reciba unha invitación ao pago, é recomendable ingresar inmediatamente as cantidades reclamadas e conservar o xustificante de pago. Se non se ingresan as cuantías e se mantén a débeda coa Seguridade Social, non lle recoñecerán a prestación.

 

Os nosos profesionais informarán sobre calquera dúbida que teña respecto a prestacións da Seguridade Social para autónomos.