Consello de administración

Tanto nunha SL como nunha SA, o órgano de administración pode organizarse de varias formas, e unha delas é nomeando a un consello de administración, no que as decisións se toman conxuntamente en reunións do Consello.

Pois ben, un observador é unha persoa que pode asistir a ditas reunións, pero sen formar parte do Consello nin ter a condición de conselleiro. Por iso, pode supervisar de preto a sociedade, pero sen ser nomeado conselleiro e, polo tanto, sen asumir as responsabilidades que conleva dito cargo.

Esta figura é útil e habitual cando un investidor quere seguir de preto a marcha da sociedade. Tamén, por exemplo, cando un potencial comprador ou investidor quere dispoñer de máis información durante un proceso de adquisición. Mesmo pode ser habitual nunha empresa familiar reservar a condición de observador ao socio fundador que se xubilou e deu o relevo aos seus fillos.

En todo caso, se unha sociedade designa a un observador, este pode:

• Acudir ás reunións que celebre o Consello de Administración como se se tratase dun conselleiro máis.

• Recibir e solicitar información, como un conselleiro máis, sobre a marcha da sociedade e, no seu caso, opinar sobre a toma de decisións.

• Iso si: o observador non ten voto, polo que non intervén de forma directa na toma de decisións, aínda que tampouco asume as responsabilidades do cargo de administrador.

A pesares de que esta figura adoita utilizarse para que un investidor poida seguir de primeira man a evolución da sociedade, tamén pode designarse un observador pola súa experiencia, traxectoria ou coñecementos especializados no sector no que opera a empresa. . Deste xeito, poderá contribuír, con estes coñecementos, a que o Consello tome decisións mellor fundamentadas.

Os nosos profesionais asesoraranlle e darán solucións a todas as cuestións que teñan relación coa vida societaria da súa empresa.